Ekki erum við nú mjög dugleg að skrifa hérna. En hér koma smá fréttir.

Það er allt fínt að frétta af mér. Ég er á fullu í fimleikunum og er að fara að keppa í Kópavoginum helgina 9. - 10. febrúar. Það verður gaman. Í gær fengum við að fara í Gerplu húsið og æfa okkur og leika í grifjunni þar. Það var sko geggjað gaman.

Svo eru píanótímarnir að byrja aftur í vikunni og mig hlakkar til að byrja í þeim. Ég fékk píanó í jólagjöf frá mömmu og pabba svo nú get ég æft mig þegar mig langar til.

Um næstu helgi erum við Davíð svo að fara í heimsókn til mömmu á Akureyri. Við förum með flugi á fimmtudaginn og komum heim á sunnudaginn. Við ætlum að fara á skauta og eitthvað skemmtilegt.

 

Látum þetta gott heita í bili, kannski skellir mamma inn færslu og myndum eftir næstu helgi.

 

Kveðja María Björg. 

Hæ, hæ.

Mamma er að skirfa fyrir mig núna. Enda ég upptekin eins og svo oft. Á meðan mamma er að skrifa þetta á Akureyri eru ég og Davíð Logi í heimsókn hjá Auðbjörgu, Kristínu, Óla og Annasi í Reykjavík. Við ætlum að gista hjá þeim og fara í keilu og eitthvað fleira skemmtilegt.

 

Það sem er annars að frétta af mér er að ég er alltaf jafn dugleg að æfa fimleika,og Sigga þjálfarinn minn segir að ég sé búin að taka miklum framförum. Mamma er voða stolt af mér :-)  Á filmeikaæfingu í gær kom Sigga með myndir af nýjum fimleikabolum sem við fáum vonandi bráðum. Þeir kosta samt svolítið mikið og þá er ekki víst að allir geti fengið og þá fáum við ekki heldur. Annaðhvort fáum við allar í hópnum bol eða engin. Að því að við erum lið og verðum allar að vera eins þegar við erum að keppa. En ég vona að við fáum nýjan bol, hann er rauður með fullt af steinum og skrauti á :-) Svo er fyrsta mótið okkar í lok nóvember, svo nú verðum við að vera duglegar að mæta á æfingar og duglegar að æfa okkur.

Eins og flestir vita er mamma flutt á Akureyri, hún fór þangað til að fara í háskóla að læra iðjuþjálfun. Ég veit nú ekki allveg hvað það er, en örugleg eitthvað voða sniðugt. Margir höfðu áhyggjur af því áður en mamma fór hvernig mér myndi ganga, því við mamma erum svolítið háðar hvor annari, en ég er búin að koma öllum á óvart, sérstaklega mömmu. Og er að plumma mig voða vel. Kennarinn er ánægður með mig og mér líður rosa vel í skólanum. Kennaranum finnst ég í góðu jafnvægi og segir að mér líði greynilega vel. Það sama er sagt í fimleikunum. Enda er svo mikið af góðu fólki sem vill allt fyrir okkur gera og vilja hjálpa til við að láta þetta ganga vel. Amma og afi er á móti og þangað förum við oft þegar pabbi er að vinna um helgar, svo er ég oft hjá vinkonum mínum og fæ að fara með þeim í fimleika og svona.

 Ég ætlaði að flytja til mömmu um áramótin, en núna höfum við tekið þá ákvörðun að ég flytji næsta haust um leið og hinir í fjölskyldunni. Mig langar svo að vera í fimleikunum áfram, því við erum að byrja að æfa í nýju rosa flottu íþróttarhúsi eftir jól og þá förum við líka að keppa á fullt af mótum. Svo þetta var ákveðið, líka vegna þess hversu vel gengur.

 

En nú þarf ritarinn minn að fara að læra. Kannski hún reyni að skrifa oftar fréttir af mér svo þetta verði ekki svona langt í hvert skipti ;-)

 

Kær kveðja María Björg duglega. 

Ekki á morgun heldur hinn er ég að fara til útlanda. Ég, mamma, pabbi og Björgvin Óli erum að fara til Þýskalands og þar hittum við Davíð Loga og ömmu og afa í Hveragerði. En þau fóru í morgun. Mig hlakkar rosalega mikið til að fara. Ég er líka að fara í fyrsta skipti í flugvél :-)

Í ferðinni náum við að fara til fjögura landa. Við förum til Þýskalands, Frakklands, Sviss og Austuríkis. Ég ætla að skrifa betur um ferðina þegar ég verð komin heim.

Þið meigið vera dugleg að kvitta fyrir komuna. Mér finnst svo leiðinlegt þegar eingin skrifar.

Kær kveðja María Björg ferðalangur.

ég veit að ég þar að vera dugleg að skrifa

Hæhæ nú eru að koma jól og við mamma erum að taka til í stofuni svo erum við að fara að seta jólatréð okkar inn í stofu og svo vona ég að  ég Davíð og Björgvin fáum að skreita jólatréð á eftir 

Gleðilegjól.kv María björg

Hæ, hæ.
Mamma er aðeins að laga til síðuna mína. LOKSINS !!!
Af mér er allt gott að frétta, er komin í 3. bekk og gengur vel í skólanum.Ég og Birta vinkona mín erum mikið saman að leika okkur og erum bestustu, bestu vinkonur.
Á sunnudaginn er ég að fara með Auðbjörgu frænku minni, Óla kærastanum hennar og systur hans sem heitir Svana Björg í leikhús að sjá Ronju ræningjadóttur. Það verður sko gaman að fá að vera hjá frænkum mínum í Reykjavík.

Mamma er að skreppa til Boston á laugardaginn með Valdísi ömmu og Evu frænku. Þær ætla að kaupa mjög mikið og m.a. jólagjafir. Svo ég fæ öruglega eitthvað rosa flott í jólagjöf í  ár.
En núna ætla ég sjálf að vera dugleg að skrifa hérna á síðuna mína, svo Sólveig frænka mín í Kanada geti lesið um það sem ég er að gera.

Bless, bless. María Björg.

Ég á afmæli í dag og er sko orðin 8 ára  Ég er búin að fá línuskauta og hlífar í afmælisgjöf frá mömmu, pabba, Björgvin Óla og Davíð Loga. Þau vöktu mig í morgun með söng og pakka 
Núna er ég í skólanum, og svo í dag kemur heill hellingur af krökkum í afmæli. Það verður sko gaman

Hæ, hæ.
Nú ætlar hún móðir mín blessuð að skrifa smá færslu af mér. Komin tími til.
Mér gengur vel í skólanum. Er dugleg að læra og gengur mjög vel, bæði í lestir og skrift. Umsögn kennarans míns í viðtali um daginn var: María Björg er svo skemmtilegur og skapandi nemandi. Það eina sem kannski háir mér er smá feimni. Mér finnst ekki gaman að vera í tímum þar sem maður á að standa og tala fyrir framan allan bekkinn. Þeir sem þekkja til foreldra minna undrast þetta öruglega ekki. Þau voru nú með eindæmum feimin sem börn bæði tvö. En ég er í svo frábærum skóla, sem tekur vel á svona félagslegum þáttum og mamma er viss um að ég eigi eftir að yfirstíga þetta.
Svo æfi ég fimleika tvisvar í viku og það er alltaf jafn gaman. Ég er í miklum úrvalshóp, með skemmtilegum stelpum. Sigga þjálfarinn okkar er svo ánægð með okkur og segir að ef við höldum áfram að vera svona duglegar að æfa okkur, verðum við jafn klárar og stóru stelpurnar. Sem nota bene eru sko fyrirmyndir okkar allra.
Svo byrjaði ég að æfa freestiel í vetur og það er sko fjör. Og það sem er allra skemmtilegast er að við fáum að koma fram í Stundinni okkar. Já það er sko allveg satt. Þið verðið sko að horfa á þá.
Þið sjáið að það er allveg nóg að gera hjá mér. Þegar ég er svo ekki í skólanum og á æfingum er ég að leika við vinkonur mínar. Og ég er svo heppin að eiga margar góðar vinkonur. Bestu vinkonur mínar eru: Birta, Oddný og Guðbjörg Ósk. Ég og Birta erum nánast búnar að vera óaðskiljanlegar síðustu viku, og í gær fengum við að fara einar í sund í fyrsta skipti. Nú erum við nefnilega að verða 8 ára og þá má maður fara einn í sund. Mömmu fannst þetta nú gerast heldur fljótt. Var pínu hrædd um litlu stelpuna sína eina í sundi. En svona er þetta bara. Það er nú ekki hægt að láta eins og ég sé smábarn alla ævina.
Jæja þá er nú komið smá upp deit af mér.
Ef þið eruð að skoða síðuna mína viljið þið þá vera svo væn að kvitta fyrir komuna. Ég verð alltaf svo leið þegar enginn er búin að skrifa
Bless, bless.
María Björg sem er allveg að verða 8 ára.

http://two.flash-gear.com/npuz/puz.php?c=v&id=697325&k=76793472

Í dag er búið að vera rosa gaman  Ég byrjaði daginn á því að fara í skólann eins og venjulega en það sem var öðruvísi í dag var að mamma kom með mér í skólann. Það voru skreitingardagar í skólanum í gær og í dag og foreldrar máttu koma með. Mömmu fannst voða gaman að vera með mér og henni finnst skólinn minn allveg frábær 
Eftir skóla fór ég heim með Birtu og við fórum í fimleika, svo fór ég aftur heim með Birtu eftir fimleika að því að mamma var í jarðaför og gat ekki sótt mig.
Þegar mamma kom svo að sækja mig fórum við á búðarráp. Við fórum og keyptum efni í búning fyrir fimleikasýninguna sem er næsta laugardag. Svo fórum við í do, re, mi og þar keyptum við ROSA flott jólaföt á mig. Það er pils, skyrta og bolur. Algjört æði Næst héldum við í Nóatún og þar keyptum við efni í jólakort ofl. Við enduðum svo á að kaupa einn jólageisladisk í búðinni hjá honum Svenna. Sem sagt peningabruðl á okkur í dag
Svo er bara idol og huggulegheit í kvöld með snakki og tilheyrandi, gaman, gaman.
Hafið það gott um helgina og verið í jólaskapi.
Kveðja María Björg.

Það var gaman í skólanum í gær, því að þá héldum við í 1. og 2. bekk fjölskyldu og Latabæjarhátíð. Foreldrum ,syskinum, öfum og ömmum var boðið og við sýndum allskonar dans og leikþætti. Voða gaman. Mamma tók nokkrar myndir og hún ætlar að setja þær inn á myndasvæðið sitt fljótlega.
Í dag ætlum við mamma að fara í heimsókn til Hörpu, Kristjáns og Siggu Tinnu á Akranes. Okkur hlakkar svo til að hitta þau og svo ætlum við líka að baka tromptoppa með þeim.
Nú eru amma og afi komin heim frá Kúbu það var voða gott að fá þau heim, og ég fékk flottan Kúbu bol og blýantog svo fékk ég rosa flottan Bradz kall . Takk fyrir það amma og afi
Svo við ég láta ykkur vita að 10. desember er jólasýning hjá fimleikadeildinni og þa´er hópurinn minn með flott atriði. Kemur í ljós hvað það verður, það er sko leyndó. En endilega komið og horfið á, það verður rosa gaman.
Jæja þá er best að reyna að koma mömmu í að skreyta svolítið og taka til áður en við förum á skagann.
Kveðja María Björg.
P.S. Munið að skrifa í gestabókina.

Munið Að Skrifa í Gestabókina mína því Að annars verð ég Leið

Ég get sko sagt ykkur það að ég fór ekki glöð í skólann í dag  Hún mamma sendi mig í MJÖG LJÓTUM pollabuxum í skólann í dag. Eins og maður láti sjá sig í hverju sem er  Ég stóð með tárin í augunum og druslaðist af stað, en mamma sagði að ég mætti henda þeim þegar ég kæmi heim og það ætla ég sko að gera  Mér finnst að það ætti að banna rigningu, hún skemmir allveg lúkkið á manni þegar maður fer í skólann.
Mömmu er hálf farið að kvíða fyrir unglingsárunum mínum þegar ég get látið svona í 2.bekk. En kannski vex þetta bara af mér.
Svo var nú ekki gaman þegar H&M kom úr póstinum, það eina sem kom voru einar nærbuxur og þær voru á mömmu en ekki mig Finnst ykkur þetta hægt. Búin að bíða í mánuð og svo koma einar nærbuxur
Jæja vonandi fer að koma betra veður og vonandi finnum við aðal pollabuxurnar mínar.
Kveðja María Björg sem gengur ekki hverju sem er

Nú ætlum við mamma að hafa þetta fyrir aðal síðuna mína og myndirnar okkar verða inni á msn blogginu hennar mömmu Mamma nennir ekki að halda út mörgum myndasíðum þar sem allstaðar eru sömu myndirnar.
Ég er búin að vera rosa kvefuð og var heima í gær með mömmu.En í dag fór ég í skólann og var glöð með það. Finnst ekki mjög gaman að hanga heima með mömmu
Loksins kom það sem ég hef verið að bíða eftir með póstinum í dag. Vörurnar sem við mamma pöntuðum í H&M fyrir mánuði síðan. Ég er búin að bíða við póstkassann í heilan mánuð og var orðin frekar pirruð yfir þessu. En nú verður sko farið á pósthúsið í dag
Bless í dag,
María Björg.

Hæ, hæ.
Það er sko langt síðan að ég skrifaði inn á þessa síðu. Ég á nú orðiði svo margar síður að ég get bara ekki verið að skrifa á þær allar 3. Mamma var að búa til nýja síðu á barnaneti.is og slóðin á hana er : http://www.barnanet.is/mariabjorg/ svo er ég líka með síðu á barnalandi og slóðin á hana er : www.barnaland.is/barn/8858
Kíkið á þær og kvittið fyrir komuna. Þið verðið að afsaka hvað mamma er búin að vera löt við að uppfæra þær en hún hefur þjáðst af uppfærslu fælni undanfarið.

Kveðjum í dag.

María Björg sem er komin í 2. bekk